Situacyja ź vizami dla svajakoŭ biełarusaŭ, jakija žyvuć u Čechii, chutka moža palepšycca

Demakratyčnyja siły Biełarusi padziakavali ministru zamiežnych spraŭ Čechii Piatru Macinku za vykanańnie dadzienych im abiacańniaŭ i za ŭniasieńnie ŭradavaj prapanovy ab źmianieńni vizavych pravił dla siamiejnikaŭ biełarusaŭ, jakija žyvuć u Čechii.

Ministr zamiežnych spraŭ Čechii Pietr Macinka z pradstaŭnikami biełaruskaj demakratyčnaj supolnaści. Fota: facebook.com/OfficeBLRinCZE

Prapanavanyja źmieny pavinny ŭličyć asablivuju situacyju biełaruskich siemjaŭ, u tym liku tych, čyje svajaki ŭžo atrymali češskaje hramadzianstva i pry hetym nie majuć dziejnaha biełaruskaha pašparta.

Pavodle prapanovy, mahčymaść padavać zajavy na karotkaterminovyja vizy dla naviedvańnia siamji budzie pašyranaja na najbližejšych svajakoŭ hramadzian Čechii, a taksama biełarusaŭ, jakija majuć u Čechii doŭhaterminovy abo pastajanny dazvoł na žycharstva.

Biełaruskija demakratyčnyja siły vykazali spadziavańnie, što prapanova budzie ŭchvalenaja. Na ich dumku, heta dapamoža zachavać važnyja siamiejnyja i čałaviečyja suviazi pamiž biełarusami, jakija žyvuć u Čechii, i ich blizkimi.

Kamientary da artykuła