I Ukraina, i Rasija vyrazali z «Čałavieka-pavuka» pieśniu Manietački. A što Biełaruś?
Kali ŭ rasijskaj viersii prakatu trek zamianili na Ryjanu, to ŭ Biełarusi zrabili inakš.
Fota: Sony Pictures / Marvel Studios via Gizmodo
«Čałaviek-pavuk: Novy dzień» vyjšaŭ u suśvietny prakat 31 lipienia i sabraŭ amal 2 miljardy dalaraŭ. Ale ž nie abyšłosia biez skandałaŭ: ukrainski prakatčyk «Płanieta Kino» prybraŭ ź filma pieśniu «Manapolija» ad rasijskaj śpiavački Manietački. Nie pieraškodziła i toje, što Manietačka adkryta padtrymlivaje Ukrainu.
Praź niekalki dzion stała viadoma, što pieśniu prybrali i z rasijskaj viersii filma — jaje zamianili na trek Ryjany S&M. A što ŭ Biełarusi?
«Čałaviek-pavuk: Novy dzień» vyjšaŭ u Biełarusi 13 žniŭnia, i ŭžo na nastupny dzień u sacsietkach stali raskazvać pra los toj samaj pieśni. Miarkujučy z kamientaroŭ ludziej, jaje nie pačuli i ŭ Biełarusi. Pieśnia hučyć u momancie, kali hałoŭny hieroj šukaje miesca sustrečy z hierainiaj, jakaja maje ruskija karani, i biełarusy hetuju scenu nie ŭbačyli:
«Vyrazanaja scena ź pieśniaj Manietački na Brajtan-Bič».
«Učora nie zrazumieła, jak Pavuk adrazu ŭ łaźni apynuŭsia. Dumała, zadumałasia i prahledzieła».
Novy «Čałaviek-pavuk» źbiraje ŭ Biełarusi poŭnyja zały. Kinateatry vymušanyja dadavać novyja sieansy, kab kvitki dastalisia ŭsim.