Samy darahi dom Minska ŭ lipieni nabyli ŭ Kamiennaj Horcy
Niahledziačy na toje, što pryvatnaha siektara ŭ Minsku robicca ŭsio mienš (dniami, naprykład, pad znos pajšoŭ Sielhaspasiołak), jość kutki, dzie katedžy astalavalisia tryvała i nadoŭha. Naprykład, mocny astravok pryvatnaha siektara jość na ŭskrainie Kamiennaj Horki. Mienavita ŭ hetym mikrarajonie ŭ lipieni kupili katedž za 700 tysiač dalaraŭ. Jon staŭ najdaražejšym domam Minska, pradadzienym u minułym miesiacy, paviedamlaje Realt.by.
Dom raźmiaściŭsia ŭ miežach vulic Lucinskaj, Viazynskaj i Kaleśnikava. Pobač znachodzicca čyhunačnaja stancyja «Lebiadziny», a chutka tut źjavicca novy most, jaki złučyć Kamiennuju Horku z praśpiektam Pieramožcaŭ. Voś heta miesca na karcie:
Zabudova ŭ hetaj častcy mikrarajona (bližej da MKAD) — davoli adnastajnaja. Katedžy tut budavalisia apošnija hadoŭ z 10−15, a ŭčastki navat možna kupić z aŭkcyjonaŭ. Voś i najdaražejšym domam miesiaca staŭ adnosna novy (2018 hoda pabudovy) błočny dom.
Pabudovu płoščaj 741 kvadrat kupili za 700 tysiač dalaraŭ. Vychodzić, mietr paličyli pa 945 dalaraŭ.
Taksama ŭ staličny top-3 u lipieni trapili kamianicy ŭ Papiarnianskim zavułku (u rajonie Cny) i na vulicy Pryvabnaj (u rajonie Miadźviežyna). Hetyja damy pradali za 280 i 162 tysiačy dalaraŭ adpaviedna.
Čytajcie taksama:
Kupili zaniadbany dom, u jaki nie chaciełasia zachodzić, i pieratvaryli ŭ cukierku
Samy darahi dom u červieni ŭ Biełarusi kupili za 630 tysiač dalaraŭ
Zamiest zajaŭlenych šmatdzietnych siemjaŭ u novabudoŭlu ŭ Minsku zasialajuć achoŭnikaŭ Łukašenki