Samy darahi pryvatny dom u lipieni ŭ Minsku pradali ŭ Kamiennaj Horcy
Pakupnik zapłaciŭ za jaho $700 tys.
Samym darahim domam, pradadzienym u stalicy ŭ lipieni, niečakana staŭ katedž u pryvatnym siektary na ŭskrainie mikrarajona Kamiennaja Horka. Pavodle Realt.by, pakupnik zapłaciŭ za jaho $700 tysiač.
Hety nievialiki łapik pryvatnaha siektara raźmieščany ŭ miežach vulic Lucynskaj, Viazynskaj i Kaleśnikava, pobač z čyhunačnaj stancyjaj Labiažy, niedaloka ad MKAD. U płanach na znos hety rajon nie značycca. Bolš za toje, nieŭzabavie tam źjavicca novy most, jaki złučyć Kamiennuju Horku z praśpiektam Pieramožcaŭ.
Tamu ŭ hetym rajonie davoli šmat damoŭ, pabudavanych za apošnija 10—15 hadoŭ. Voś i pradadzieny błočny katedž 2018 hoda pabudovy. Jaho ahulnaja płošča — 741 «kvadrat», heta značyć adzin kvadratny mietr acanili ŭ $945.