Aŭtobus z polskimi turystami raźbiŭsia ŭ Vienhryi. Zahinuli 12 čałaviek
U aŭtobusie było kala 60 čałaviek.
Avaryja adbyłasia ranicaj 16 žniŭnia na aŭtastradzie M3 na paŭnočnym uschodzie Vienhryi. Aŭtobus na pramym učastku darohi źjechaŭ u kiuviet i pierakuliŭsia.
Pavodle vienhierskaj palicyi, u aŭtobusie znachodzilisia 57 pasažyraŭ i dvoje kiroŭcaŭ.
12 čałaviek zahinuli, jašče niekalki dziasiatkaŭ atrymali traŭmy. Siem paciarpiełych znachodziacca ŭ ciažkim abo krytyčnym stanie.
Papiarednie miarkujecca, što kiroŭca moh zasnuć za rulom. Jaho zatrymali.
Paciarpiełych dastavili ŭ miascovyja balnicy.