Biełarusy nakidali zorcy «Univiera» za pavodziny ŭ Minsku — a toj badaj i nie zrazumieŭ za što
Stas Jarušyn ź sieryjała «Univier» časta byvaje ŭ Minsku, tamu što pracuje nastaŭnikam u telešou «Faktor.by». U padarožžach rasijanin nie zabyvaje treniravacca, praz što i trapiŭ niadaŭna pad chiejt biełarusaŭ — i dobra, kali abyšłosia biez štrafu.
Fota: yarushinstanislav / Threads
Jarušyn apublikavaŭ u tredsach fota z prabiežki ŭ Minsku. Da fota jon pakinuŭ taki podpis:
«Minsk. Park. Sport. 3 km».
Na zdymku bačna, što Jarušyn biažyć nie pa ściežcy dla piešachodaŭ, a pa vieładarožcy — choć i taja, i druhaja absalutna pustyja. Biełarusy asudzili takoje parušeńnie praviłaŭ. Nie dziva, što Stas atrymaŭ bahata niezadavolenych kamientaroŭ.
Niekatoryja ź ich, adnak, byli strymanyja:
«Stas, tam na viełasipiedach jeździać, biažy pobač. U nas tak nie pryniata».
«U nas pa vieładarožkach nie chodziać i nie biehajuć».
«Kali na skryžavańni ŭ ciemry spynišsia, abaviazkova idzi na zialonaje, navat kali mašyn niama, u nas tak nie pryniata».
Ale šmat kaho prabiežka Jarušyna pa vieładarožcy aburyła:
«Heta tabie nie Maskva, źja*aŭ ź vieładarožki».
«Ciapier by lašča za bieh pa vieładarožcy».
«Jon by jašče pa tramvajnych šlachach biehaŭ… Adkul jany vyłaziać?»
Niekatoryja biełarusy skarystalisia pastom Jarušyna, kab vykazać usie emocyi datyčna rasijan, jakija časam parušajuć praviły darožnaha ruchu ŭ našaj krainie:
«Ja prosta nie mahu zrazumieć, čamu rasijanie voś prosta vielmi imknucca ŭ Biełarusi zrabić nie tak, jak naležyć. Heta naša kraina, vy ŭ haściach. Niama sił!
My nie šumim, nie kidajem śmiećcie, nie jeździm pa tratuarach, nie chodzim pa vieładarožkach, nie kryčym pa telefonach u hramadskich miescach i šmat čaho jašče. Čamu tak składana prosta trymacca miežaŭ prystojnaści?»
Sprava nie tolki ŭ abureńni kamientataraŭ, bo Jarušyn jašče i parušyŭ biełaruskija praviły darožnaha ruchu. Pavodle punkta 17.1 praviłaŭ, piešachod abaviazany ruchacca pa chodnikach abo piešachodnaj ściežcy, i tolki kali ich niama, to pa vieładarožcy.
Tamu za takija prabiežki mahčyma atrymać štraf ad 1 da 3 bazavych vieličyń — ad 45 da 135 rubloŭ.
Čytajcie taksama:
Biełaruska kliča na viasielle zorku «Univiera», jaki za vajnu. Uprehsia ŭvieś Threads
U Rasii znoŭ adradzili sieryjał «Univier» — z byłoj deputatkaj Dziarždumy i prychilnikami vajny
Łajalnych biełarusaŭ nie zastałosia? U novym siezonie «Faktar.by» u žury spres rasijanie