Jašče vaśmiora paciarpiełych u DTZ u Hruzii biełarusaŭ vypisanyja z balnic
Vaśmiora paciarpiełych u DTZ u Hruzii biełarusaŭ vypisanyja z balnic. Pra heta paviedamili Biełta ŭ Ministerstvie zamiežnych spraŭ Biełarusi.
Fota: threads.com / mr_aeru
Hruzinskija miedyki vypisali jašče vaśmiarych hramadzian Biełarusi, siarod ich — piaciora niepaŭnaletnich. 14 žniŭnia byli vypisanyja čaćviora paciarpiełych u DTZ biełaruskich turystaŭ.
Avaryja zdaryłasia 12 žniŭnia ŭ rehijonie Huryja. Mikraaŭtobus źjechaŭ z darohi i ŭpaŭ u jar, dzie ŭrezaŭsia ŭ dreva. Vadziciel paśpieŭ skoknuć z mašyny padčas padzieńnia.
Usiaho ŭ sałonie znachodzilisia 19 hramadzian Biełarusi. U DTZ čatyry čałavieki zahinuli, 15 atrymali traŭmy roznaj stupieni ciažkaści, ź ich — šaściora niepaŭnaletnich.
Vadziciela mikraaŭtobusa zatrymali. Mužčyna nie mieŭ adpaviednaj katehoryi paśviedčańnia kiroŭcy dla pieravozki turystaŭ. Akramia hetaha, jon nie zabiaśpiečyŭ biaśpiečnuju ekspłuatacyju transpartu.
Čytajcie taksama:
U Hruzii ŭ avaryi zahinuli čatyry biełarusy
U śmiarotnym DTZ ź biełarusami ŭ Hruzii 15 čałaviek atrymali traŭmy, siarod ich — dzieci