Umacavańni novaha mosta cieraz Dniapro ŭ Mahilovie paśla sioletnich zalevaŭ papłyli FOTY

Fotakarespandent vydańnia «MohilevOnłajn» źviarnuŭ uvahu na stan schiłaŭ kala novaha mosta z boku vulicy Facina, niepadalok ad mikrarajona Jubilejny. Jašče viasnoj bietonnyja plity tam vyhladali nadziejna, adnak ciapier častka kanstrukcyj spaŭzła ŭniz.

Vierahodna, adnoj z pryčyn mahli stać mocnyja zalevy, jakija prajšli ŭ rehijonie. Bietonnyja plity na adkosach zrušylisia i ciapier lažać hrudami ŭ piasku. Razam ź imi pačaŭ absypacca i sam hrunt — častka nasypu spaŭzaje ŭniz na ściežku pad mostam.

Pry hetym nie vyklučajecca i čałaviečy faktar. Pad umacavańniami zaŭvažna šmat śladoŭ i śmiećcia, tamu nie vyklučana, što asobnyja elemienty mahli paciarpieć u vyniku dziejańniaŭ vandałaŭ.

U lubym vypadku stan schiłaŭ vyklikaje pytańni, tamu čakajecca, što adkaznyja słužby źviernuć na heta ŭvahu i pryviaduć umacavańni ŭ naležny stan. 

Kamientary da artykuła