Jak ekśpierymient u Słucku pakazaŭ kamunalnikam, što pryčyna śmiećcia nie ŭ ludziach, a ŭ ich pracy
Rezanans u sacsietkach prymusiŭ haradskija ŭłady pastavić śmietnicy na Alei budaŭnikoŭ u Słucku.
Jak vyhladała haradskaja aleja ŭ kancy sakavika hetaha hoda. Fota miascovych žycharoŭ
Na Alei budaŭnikoŭ u Słucku rehularna nazapašvałasia śmiećcie. Na fotazdymkach, jakimi dzialilisia słučaki, byli vidać płastykavyja butelki i inšyja adkidy kala śmietnicy, a taksama śmiećcie na travie niedaloka ad raki, piša BGmedia. Kamunalniki zajaŭlali, što prablema ŭ niavychavanaści ludziej.
Słučaki pahadžalisia, što častka adkaznaści lažyć na samich naviedvalnikach alei. Adnak adnačasova ludzi adznačali i inšuju prablemu — niedachop śmietnic.
Aleja budaŭnikoŭ u Słucku. Fota: SlutskGorod
Na ŭsioj alei była tolki adna śmietnica. Pry hetym śmiećcie nazapašvałasia vakoł jaje, pakolki jana nie źmiaščała ŭsie adkidy, jakija pakidali naviedvalniki. Na dumku miascovych žycharoŭ, bolšaja kolkaść śmietnic mahła b dapamahčy padtrymlivać terytoryju ŭ čyścini.
Na toje, što kolkaść urnaŭ sapraŭdy ŭpłyvaje na situacyju, źviartali ŭvahu i ŭ miascovym partale SlutskGorod. Tam praviali ekśpierymient: kala śmietnicy pastavili asobnaje viadro i nazirali, ci budzie śmiećcie praciahvać źjaŭlacca pobač na ziamli.
Jak pakazaŭ ekśpierymient, ludzi pačali vykidać śmiećcie mienavita ŭ pastaŭlenaje viadro.
Paśla hetaha kamunalniki pastavili na alei dadatkovyja śmietnicy.