Składzieny top-10 najbujniejšych handlovych sietak Biełarusi
Na pačatak 2026 hoda ŭ Biełarusi było 65,2 tys. handlovych abjektaŭ. Za 10 hadoŭ ich kolkaść vyrasła na 21%, paviedamiła Ministerstva antymanapolnaha rehulavańnia i handlu.
Najbolš imkliva raźvivajecca roźničny handal u Minsku: u stalicy za 10 hadoŭ kolkaść handlovych abjektaŭ vyrasła na 61%. Ciapier ich tut bolš za 12 tys.
Najmienš dynamična raźvivaŭsia Mahiloŭski rehijon, dzie pryrost kolkaści kram za 10 hadoŭ skłaŭ 4% (7,2 tys. abjektaŭ na kaniec 2025 hoda).
Za 10 hadoŭ na rynku źjavilisia i novyja hulcy, pry hetym niekatoryja sietki spynili svajo isnavańnie. Siarod ich — Bigzz, «Rubloŭski», «Vitalur», «Damašni», Preston.
Voś jak vyhladaje top-10 sietak Biełarusi pa kolkaści kram pavodle vynikaŭ 2025 hoda:
- Biełkaapsajuz — 4141 krama;
- «Jeŭraopt» — 1151 krama. Sietka raźvivaje brendy «Jeŭraopt», «Chit!» i «Hrošyk»;
- «Dabranom» — 1067 kram. Uklučaje brendy «Majak» i «Kapieječka»;
- «Santa» — 276 kram;
- «Susiedzi» — 289 kram;
- «7 piatnic» — 256 kram;
- «Śviatłafor» — 221 krama;
- «Hipa» — 89 kram. Uklučaje brendy «Hipa» i «Biełmarkiet»;
- «Karona» — 61 krama;
- Green — 39 kram.
Kali hladzieć pavodle doli rynku, to pieršaje miesca naležyć «Jeŭraoptu».