U Biełarusi aryštavali litoŭskaha biznesmiena
Vitaŭtas Słankaŭskas pracavaŭ kiraŭnikom unutranaha aŭdytu ŭ kampanii «HS Belacon» z aŭstryjskim kapitałam u Biełarusi, a pierad hetym na praciahu troch hadoŭ uznačalvaŭ kampaniju.
Litoŭca Vitaŭtasa Słankaŭskasa, jaki ŭznačalvaŭ adno z najbujniejšych pradpryjemstvaŭ dla pierapracoŭki draŭniny ŭ Biełarusi, u červieni zatrymali i aryštavali, paviedamiła LRT.
Mužčyna pracavaŭ kiraŭnikom unutranaha aŭdytu ŭ kampanii «HS Belacon» z aŭstryjskim kapitałam u Biełarusi, a raniej na praciahu troch hadoŭ uznačalvaŭ kampaniju.
Pryčyny zatrymańnia i padrabiaznaści pieraśledu Vitaŭtasa Słankaŭskasa pakul nieviadomyja.
Ministerstva zamiežnych spraŭ Litvy paćvierdziła LRT, što ambasada Litvy ŭ Biełarusi była prainfarmavanaja pra zatrymańnie. Dadatkovuju infarmacyju viedamstva nie daje.