Ahrasiadziby čakajuć źmieny — novy zakon
Siarod inšaha źmianiajucca padychody da padtrymki ahraekaturyzmu ŭ rehijonach, jakija znachodziacca daloka ad vialikich haradoŭ.
Ilustracyjnaje fota
Alaksandr Łukašenka padpisaŭ Ukaz «Pra raźvićcio ahraekaturyzmu».
Zhodna z dakumientam, ilhotnaje kredytavańnie subjektaŭ ahraekaturyzmu ad Biełahraprambanka praciahnuć na nieabmiežavany pieryjad.
Nie budzie limitaŭ kredytavańnia. Pavialičvajecca taksama termin zaklučeńnia kredytnych damoŭ: ź piaci da siami hadoŭ dla sielskahaspadarčych arhanizacyj i ź siami da dziesiaci hadoŭ — dla fizičnych asob.
Źmianiajucca padychody da padtrymki ahraekaturyzmu ŭ rehijonach, jakija znachodziacca daloka ad vialikich nasielenych punktaŭ, — zamiest padatku jany zmohuć płacić śpiecyjalny zbor. Staŭka z 1 studzienia 2026 hoda — 45 rubloŭ.
Taksama pašyrajuć pierielik pasłuh, jakija možna akazvać u śfiery ahraekaturyzmu. A kolkaść dazvolenych žyłych pakojaŭ u ahraekasiadzibach pavialičvajuć da 15.