Budaŭniki mietro skončyli raboty pad rečyščam Śvisłačy
Budaŭniki zaviaršyli čarhovy etap rabot na treciaj, Zialonałužskaj linii Minskaha mietrapalitena — prakładku ŭčastka pad rečyščam Śvisłačy, paviedamiŭ «Minskbud».
Fota: «Minskbud»
Raboty pačalisia viasnoj 2026 hoda. Rečyšča raki pry hetym nie asušali: jaho padzialili na niekalki ŭčastkaŭ, a budaŭnictva pravodzili paetapna. U «Minskbudzie» adznačyli, što raboty nie paŭpłyvali na samu raku.
Pad rečyščam Śvisłačy mietrabudaŭniki pastavili manalitnuju žalezabietonnuju plitu pamieram 41 na 25 mietraŭ. Jaje taŭščynia składaje 50 santymietraŭ, a kanstrukcyja maje ŭchił da centra.
Plita pavinna abaranić budučyja tuneli mietro ad prasiadańnia hruntu i praniknieńnia vady. Sami tuneli buduć prachodzić prykładna na 8 mietraŭ nižej za rečyšča Śvisłačy.
Paśla zaviaršeńnia rabot na miescy budaŭnictva amal ničoha nie zastałosia z taho, što pra ich śviedčyła — chiba što tolki abnoŭlenyja schiły.
Fota: «Minskbud»
Čytajcie taksama:
Kalcavaja linija minskaha mietro: kali pačnuć budavać i dzie projdzie trasa
Čamu ŭ Minsku nie pabudujuć mietro ŭ «Paŭnočny Bierah»?
Jak arhanizavany ruch na vulicy Maksima Bahdanoviča, dzie budujuć mietro