U Hiermanii štohadovuju vakcynacyju ad COVID rekamiendujuć tolki z 75 hadoŭ
Pastajannaja kamisija vakcynacyi Hiermanii źmianiła rekamiendacyi dla pryščepak ad karanavirusa. Ciapier štohadovuju revakcynacyju rekamiendujuć nie ŭsim ludziam starejšym za 60 hadoŭ, a tolki z 75 hadoŭ.
AP Photo / Rogelio V. Solis
U Instytucie Robierta Kocha ličać, što bolš za 95% darosłych užo majuć šyrokuju imunnuju abaronu dziakujučy pryščepkam, pieraniesienaj infiekcyi abo ich spałučeńniu, piša Bild.
Pry hetym štohadovaja vakcynacyja pa-raniejšamu rekamiendujecca ludziam luboha ŭzrostu z pavyšanaj ryzykaj ciažkaha ciačeńnia COVID-19. U hetuju hrupu ŭvachodziać, siarod inšych, ludzi z sardečna-sasudzistymi i chraničnymi zachvorvańniami lohkich, dyjabietam, atłuścieńniem, zachvorvańniami piačonki i nyrak, asłablenym imunitetam i ankałahičnymi zachvorvańniami. Rekamiendacyja taksama zachoŭvajecca dla žycharoŭ damoŭ sastarełych, uračoŭ i miedycynskaha piersanału.
Dla zdarovych ciažarnych ahulnaja rekamiendacyja vakcynacyi admianiajecca. Dla zdarovych dziaciej i padletkaŭ vakcynacyja, jak i raniej, nie rekamiendujecca ŭ abaviazkovym paradku.