Miesiačnaja norma za dva tydni: samyja daždžlivyja harady žniŭnia
Dzie ŭ Biełarusi pieravykanali miesiačnuju normu daždžy, raskazali ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody, piša Biełta.
«U Hrodzienskaj, na bolšaj častcy Viciebskaj, a taksama ŭ asobnych rajonach Minskaj i Bresckaj abłaściej na praciahu miesiaca vypała bolš za pałovu miesiačnaj normy apadkaŭ, a pa asobnych punktach nazirańniaŭ u Viciebskaj i Hrodzienskaj abłaściach norma apadkaŭ za miesiac i ŭvohule była pieravyšana», — raskazali ŭ Biełhidramiecie.
Akramia taho, klimatołahi raskazali, kolki apadkaŭ vypała z pačatku miesiaca na stancyjach:
u Hrodnie — 71,7 mm (126% miesiačnaj normy),
Vaŭkavysku — 72,2 mm (123% miesiačnaj normy),
Lepieli — 72,5 mm (104% miesiačnaj normy),
Viciebsku — 84,9 mm (111% miesiačnaj normy),
Vierchniadźvinsku — 69,1 mm (101% miesiačnaj normy).