Dziaŭčyna zrabiła dla siabroŭ na viasielle dyvan ź biełaruskich hrošaj FOTY

Videa z historyjaj stvareńnia dyvana biełaruska vykłała ŭ tyktok. Na heta ŭ jaje pajšło 4 dni i trochi bolš za 1000 rubloŭ, piša vydańnie Myfin.by.

Dla pačatku dziaŭčyna raźmianiała ŭ banku 1100 BYN na kupiury pa 5 BYN. Dyvan jana vyrašyła rabić z dapamohaj plonki z budaŭničaj kramy i skotču. Pracu nad im jana nazvała karpatlivaj i manatonnaj.

U vyniku atrymaŭsia 21 radok pa 50 BYN u kožnym. To-bok usiaho 1050 BYN — nie ličačy vydatkaŭ na stvareńnie dyvana.

Na viasielli dziaŭčyna zasłała dyvan jak darožku i prapanavała maładomu prajścisia pa «dyvanie». Miarkujučy pa reakcyi maładych, padarunak im spadabaŭsia.

Kamientary da artykuła