Kolki pryvatnych škoł i sadkoŭ zastałosia ŭ Biełarusi

Zaraz u Biełarusi pracujuć šeść pryvatnych škoł i dva pryvatnyja dziciačyja sadki. Pra heta ŭ intervju Onliner.by raskazaŭ ministr adukacyi Andrej Ivaniec.

Fota: Onliner.by

Letaś ministr paviedamlaŭ, što ŭ krainie pracuje siem pryvatnych ustanoŭ adukacyi.

Licenzavańnie pryvatnych sadkoŭ i škoł uviali ŭ Biełarusi ŭ 2022 hodzie. Letam 2024 hoda ŭ Minharvykankamie tłumačyli, što ni adna pryvatnaja daškolnaja ŭstanova nie zmahła prajści praceduru licenzavańnia. Da źmianieńnia zakanadaŭstva ŭ stalicy pracavała piać-šeść takich sadkoŭ.

Andrej Ivaniec padkreśliŭ, što isnujuć patrabavańni, jakija vystaŭlajucca da ŭstanovy adukacyi — niezaležna ad taho, škoła heta ci dziciačy sadok. «Kali ich vykonvaješ, to atrymlivaješ licenziju. Padychod adziny dla ŭsich niezaležna ad formy ŭłasnaści», — dadaŭ jon.

Kamientary da artykuła