22 plažy Biełarusi ŭklučyli ŭ čorny śpis dla kupańnia

Za minuły tydzień daśledavana 930 prob vady vadajomaŭ u miescach masavaha kupańnia. Ź ich 38 prob nie adpaviadali hihijeničnym narmatyvam pa sanitarna-chimičnych pakazčykach i 35 — pa mikrabijałahičnych pakazčykach biaśpieki. Takija danyja pryviali ŭ Respublikanskim centry hihijeny, epidemijałohii i hramadskaha zdaroŭja.

Zdymak ilustracyjny. Fota: «Anłajnier»

U vyniku abmiežavana kupańnie dziaciej u nastupnych zonach rekreacyi:

• plaž na sažałcy kala ahraharadka Łuckaŭlany Hrodzienskaha rajona;
• učastak prybiarežnaj zony zatoki raki Dniapro ŭ rajonie vulicy Facina ŭ Mahilovie;
• plaž na Śviatym voziery ŭ Mahilovie;
• plaž na sažałcy Brady ŭ Mahilovie;
• plaž na Piačerskim vadaschoviščy ŭ Mahilovie;
• plaž na sažałcy ŭ vioscy Vilčycy Mahiloŭskaha rajona;
• plaž na voziery Husinaje ŭ ahraharadku Kadzina Mahiloŭskaha rajona;
• zona adpačynku na sažałcy Sielišča ŭ Kiraŭsku;
• zona adpačynku na race Olsa ŭ rajonie haradskoj łaźni Kličava;
• plaž na race Druć u rajonie skviera «Spusk da raki» ŭ Kruhłym;
• plaž na Ciacierynskim vadaschoviščy pablizu vioski Šupieni Kruhlanskaha rajona.

Prypyniena kupańnie dziaciej i darosłych:

• haradski plaž u rajonie vuścia štučnaha kanała ad raki Viedryč u Rečycy;
• haradski plaž na race Dniapro ŭ Mahilovie;
• plaž na race Dniapro ŭ ahraharadku Pałykavičy Mahiloŭskaha rajona;
• plaž na vadaschoviščy Rudzieja ŭ vioscy Harodnia Mahiloŭskaha rajona;
• plaž voziera sanatoryja «Šyńnik» TAA «Biełšyna» ŭ Babrujsku;
• haradski plaž, raźmieščany na pravabiarežžy raki Dniapro pablizu ladovaj areny Škłova.

Zabaronienyja kupańnie dziaciej, darosłych i zaniatki vodnymi vidami sportu:

• plaž na sažałcy kala vioski Suchaŭlany Hrodzienskaha rajona;
• plažy na race Dniapro ŭ Žłobinie ŭ rajonie Centra alimpijskaha reziervu i ŭ parku kultury i adpačynku «Prydniaproŭski»;
• zony kupańnia №1 i №2 voziera Jubilejnaha ŭ Hrodnie.

Manitorynh biaśpieki vady praciahvajecca na praciahu ŭsiaho kupalnaha siezonu. Pry atrymańni vynikaŭ łabaratornych daśledavańniaŭ, jakija paćviardžajuć adpaviednaść vady hihijeničnym narmatyvam, abmiežavańni apieratyŭna pierahladajucca. Pierad naviedvańniem plaža rekamiendujecca aznajomicca z aktualnaj infarmacyjaj i vybirać aficyjnyja miescy kupańnia, na jakich adsutničajuć abmiežavańni.

Kamientary da artykuła