Fatohrafku ź Minska asudzili za «sadziejničańnie ekstremizmu»
U Minskim abłasnym sudzie vynieśli vyrak 50‑hadovaj fatohrafcy i śpiecyjalistcy pa vizualnym kantencie Alenie Taleniec. Žančynu pryznali vinavataj pavodle častak 1 i 2 artykuła 361‑4 Kryminalnaha kodeksa.
Alena Taleniec. Fota ź jaje staronki Ukantakcie
Alena Taleniec naradziłasia 21 listapada 1975 hoda ŭ Minsku. Jana skončyła Akademiju kiravańnia ŭ 1996 hodzie, a z 2004 pa 2021 hady zajmałasia pradprymalnickaj dziejnaściu ŭ śfiery rekłamy.
Apošnim časam Alena pracavała prafiesijnaj fatohrafkaj: stvarała žanočyja partrety, pravodziła zdymki dla ekśpiertnych staronak i servisaŭ znajomstvaŭ, a taksama raspracoŭvała aŭtarskija vizualnyja kancepcyi.
Akramia kamiercyjnaj fatahrafii, Alena aktyŭna cikavicca mastactvam i stylistykaj. Jana vyvučała kałarystyku, naviedvała kursy pa fotafłarystycy i partretnaj zdymcy dy zachaplajecca zdymkami naciurmortaŭ. U sacsietkach žančyna časta dzialiłasia razvahami pra psichałohiju, špacyry pa horadzie, kino, kulinaryju i luboŭ da žyvioł.
Taleniec była ŭ SIZA ź lutaha 2026 hoda da suda. Sudovy praces prachodziŭ u Minskim abłasnym sudzie letam hetaha hoda. Alenu abvinavacili ŭ sadziejničańni ekstremisckaj dziejnaści.
Joj prysudzili chatniuju chimiju.
Čytajcie taksama:
Biełaruskamoŭnaha pravasłaŭnaha z Hrodna abviaścili terarystam i sudziać za «raspalvańnie varožaści»