U Šviecyi chłopiec uziaŭ mieč i pajšoŭ u škołu. Paciarpieli try čałavieki
U Šviecyi ŭzbrojeny miačom małady čałaviek napaŭ na škołu i paraniŭ troch čałaviek. Palicyja padčas zatrymańnia paraniła napadnika ŭ nahu.
18‑hadovy chłopiec u daśpiechach i ź miačom pryjšoŭ u himnaziju ŭ horadzie Fahiersta.
Padčas napadu jon paraniŭ dvuch padletkaŭ i adnaho darosłaha. Usie troje atrymali ciažkija ranieńni, ale ich stan aceńvajecca jak stabilny.
Z-za niebiaśpieki niekalki škoł, raźmieščanych pablizu, časova zakryli. Na miesca zdareńnia prybyli dziasiatki palicejskich. Pry zatrymańni pravaachoŭniki strelili napadniku ŭ nahu, paśla čaho jaho zatrymali.
Pavodle miascovych ŚMI, raniej 18‑hadovy chłopiec sam vučyŭsia ŭ hetaj škole. Taksama paviedamlajecca, što ŭ jaho byli psichičnyja prablemy i niekatory čas jon znachodziŭsia na lačeńni.
Premjer-ministr Šviecyi Ulf Krystersan vykazaŭ škadavańnie ŭ suviazi z «surjoznym incydentam» u Fahierście, jaki adbyŭsia adrazu paśla zakančeńnia letnich kanikuł.
Matyŭ napadu pakul nie ŭstanoŭleny. Palicyja rasśleduje zdareńnie i, u pryvatnaści, vyvučaje zapisy kamier videanazirańnia.
Čytajcie taksama:
U Bavaryi padčas napadu ŭ škole paciarpieli niekalki čałaviek
Krainy Skandynavii źmianiajuć kurs u baraćbie z bandami
Jak Šatłandyja zmahła pazbavicca reputacyi samaj bandyckaj krainy Jeŭropy