Delehacyja Talibanu naviedała Słuck FOTY
Isłamisty dehustavali biełaruskija syry i kaŭbasy.
Usie fota: «Słucki kraj»
Słucki syrarobny kambinat pryniaŭ delehacyju z Afhanistana.
Kab urazić haściej z Kabuła, im zrabili ekskursiju pa cechach i vialikuju dehustacyju.
«Asablivuju cikavaść vyklikała dehustacyja, na jakoj byli pradstaŭleny nie tolki syry i małočnyja dielikatesy, ale i lepšyja ŭzory pradukcyi pradpryjemstvaŭ-partnioraŭ: AAT «Biełłakt», AAT «Słucki cukrarafinadny kambinat», vytvorčaj placoŭki «Słucki miasakambinat» AAT «Ahrakambinat «Dziaržynski», UP «Barysaŭski kambinat chlebapraduktaŭ», — chvalicca «Słucki kraj».
U sacsietkach vydańnia post pra vizit pradstaŭnikoŭ hetaha žorstkaha isłamisckaha režymu sabraŭ aburanyja kamientary. Mahčyma, praz heta pasty pra vizit talibaŭ byli vydalenyja z treds, instahrama, telehrama vydańnia, a taksama z sajta.