Rasijskija z-artysty, ruskaja mova na afišach. U što pieratvarylisia fiestyvali ŭ staražytnym Navahrudku

21 žniŭnia startavaŭ fiestyval «Vycinanka-vybivanka. Ažurny kod Navahrudka». Na jahonym prykładzie možna pabačyć, u što pieratvarajucca festy ŭ kolišniaj stalicy Vialikaha Kniastva Litoŭskaha ŭ apošnija hady, piša «Salidarnaść».

Na afišach spres ruskaja mova, miascovaja rajonnaja hazieta «Novaje žyćcio» piša pra fest pa-rusku. Na zamčyščy šyldy taksama pa-rusku.

Kancertnuju prahramu viadzie zorka rasijskaha KVZ Dźmitryj Kołčyn, a chedłajnieram zajaŭleny Vadzim Samojłaŭ, kolišni ŭdzielnik hurta «Ahata Kryści», jaki padtrymlivaje Pucina i jahonuju vajnu suprać Ukrainy.

I prahrama, i anturaž mocna kantrastujuć z tym, što bačyŭ Navahradak čverć stahodździa tamu, kali tut raspačali tradycyju fiestyvalaŭ siaredniaviečnaj kultury. Tyja festy źbirali dziasiatki tysiač haściej ź Biełarusi i susiednich krain, u tym liku muzykaŭ z Polščy, Ukrainy, Rasii i Litvy.

Kamientary da artykuła