Kali Łukašenka viernie vydaču pašpartoŭ biełarusam za miažoj? Viersii analitykaŭ
Kali dyjałoh skončycca pa terminovych pytańniach — palitviaźni i mihracyjny kryzis, — to dalej moža pajści pytańnie represij, ličyć Arciom Šrajbman.
Fota: LookByMedia
Ci viernuć vydaču pašpartoŭ biełarusam za miažoj praz ambasady? Pra heta razvažali ŭ jutub-pieradačy «Hadzińničak cikaje».
Ekanamist Leŭ Lvoŭski dumaje, što šansy jość. Ale pakul na pieršym płanie ŭ demakratyčnych sił zadača vyciahnuć palitźniavolenych z turmaŭ.
«Možna sabie ŭjavić, što ŭ niejki momant pačatku dyjałohu ź Jeŭropaj ci kanca dyjałohu z Amierykaj, razam ź pieraadkryćciom pasolstvaŭ u Biełarusi i dazvołam viartańnia konsułaŭ u biełaruskija pasolstvy za miažoj, takuju mieru mohuć pastavić umovaj», — kaža jon.
Analityk Arciom Šrajbman miarkuje, što demsiły nie mohuć upłyvać na toje, jakija pytańni stavić na paradak dnia. Ale zhodny sa Lvoŭskim.
«Dumaju, kali dyjałoh skončycca pa terminovych pytańniach — palitviaźni i mihracyjny kryzis (dla susiedziaŭ Biełarusi, Łatvii i Litvy zastajecca pytańniem pieršaj čarhi), — to dalej moža pajści pytańnie represij. I, kaniečnie, hetuju represiŭnuju mieru najbolš łahična patrabavać admianić, tamu što jana stvaraje prablemy i krainam, dzie znachodziacca biełarusy», — ličyć Šrajbman.
Ale kali admianiać zabaronu, što biełaruskija ŭłady za heta atrymajuć, zadajecca pytańniem viadučaja Jaŭhienija Suhak. Jana razvažaje, što na miescy biełaruskich uładaŭ uviała b konskuju canu na pašpart, aformleny za miažoj, — umoŭna 300 jeŭra.