Maštabnaja ataka na Ozon: bieśpiłotniki razbambili składy ŭ Dahiestanie, Adyhiei i Staŭrapolskim krai
U noč na 24 žniŭnia ŭkrainskija drony atakavali łahistyčnyja centry markietplejsa Ozon u troch rehijonach Rasii — Dahiestanie, Adyhiei i Staŭrapolskim krai.
Surjoznyja nastupstvy zafiksavany ŭ Dahiestanie: pad udar patrapiŭ najbujniejšy skład kampanii na Paŭnočnym Kaŭkazie płoščaj kala 130 tysiač kvadratnych mietraŭ, raźmieščany ŭ industryjalnym parku pasiołka Ciube (Kumtarkalinski rajon).
Pavodle danych pres-słužby Ozon i miascovych uład, na abjekcie vybuchnuŭ vialiki pažar, niekalki čałaviek atrymali ranieńni, a praca kompleksu była poŭnaściu prypyniena.
U Adyhiei dron atakavaŭ łahistyčny centr u Adyhiejsku. Kiraŭnik rehijona Murat Kumpiłaŭ paćvierdziŭ fakt pažaru na składzie, da likvidacyi jakoha pryciahnuli vialikija siły MNS. Supracoŭnikaŭ kompleksu paśpieli evakujavać, siarod piersanału paciarpiełych niama. Pradstaŭniki Ozon zajaŭlajuć, što sam abjekt i tavary istotna nie paciarpieli.
U Staŭrapolskim krai z-za pahrozy pavietranaj ataki byŭ terminova evakujavany skład u Niavinamysku. Usie rabotniki pakinuli terytoryju, paškodžańniaŭ majomaści nie zafiksavana. Miascovyja ŭłady Staŭrapolla pakul nie kamientavali ataku.