Mužčyna dumaŭ, što znajšoŭ dobruju vakansiju na naftavaj płatformie ŭ Narviehii, ale straciŭ hrošy
46‑hadovy žychar Minska staŭ achviaraj ašukancaŭ, sprabujučy pracaŭładkavacca za miažoj.
Fota: vecteezy.com
Mužčyna znajšoŭ u miesiendžary abviestku pra vakansiju na naftavaj płatformie ŭ Narviehii. Padčas pierapiski «pradstaŭniki kampanii» pierakanali jaho apłacić šerah fejkavych pasłuh: pražytačny minimum, afarmleńnie vizy, strachoŭku, kamisiju za pracaŭładkavańnie.
Minčuk pieravioŭ ašukancam 7200 rubloŭ, paśla čaho suviaź ź imi spyniłasia.
Milicyjanty zaklikajuć nahadvajuć klučavyja praviły biaśpieki pry pošuku pracy za miažoj.
Nijakaj pieradapłaty da padpisańnia damovy.
Kali pracadaŭca paźbiahaje aficyjnaj elektronnaj pošty, videasuviazi ci asabistych sustreč — heta sihnał pra niebiaśpieku.
Zanadta vysokija zarobki. Abiacańnie nieabhruntavana vialikich sum za pracu biez patrabavańniaŭ da vopytu i viedańnia movy vykarystoŭvajecca jak zamanucha.
Pierad adpraŭkaj dakumientaŭ i hrošaj zaŭsiody praviarajcie najaŭnaść u ahienctva aficyjnaj licenzii na pracaŭładkavańnie hramadzian za miažoj (śpiecyjalny rejestr raźmieščany na sajcie MUS Biełarusi).