Biełaruska zajšła ŭ prybiralniu handlovaha centra i pabačyła tam kamiery
U žanočaj prybiralni adnaho z handlovych centraŭ pastavili kamiery videanazirańnia. Praŭda, ich uładalnik śćviardžaŭ, što heta tolki mulažy, jakija pavinny byli prosta nahadvać naviedvalnikam pra nieabchodnaść zachoŭvać paradak, paviedamiŭ Nacyjanalny centr abarony piersanalnych danych.
Fota ilustracyjnaje
Navat kamiery, jakija nibyta nie pracujuć, stvarajuć u naviedvalnikaŭ uražańnie, što za imi viadziecca videanazirańnie i adbyvajecca apracoŭka piersanalnych źviestak.
Paśla skarhi Nacyjanalny centr abarony piersanalnych źviestak adreahavaŭ na situacyju i źviarnuŭ uvahu apieratara, što raźmiaščeńnie takich «mulažoŭ» uvodzić hramadzian u zman nakont zakonnaści videanazirańnia i parušaje ich prava na pryvatnaść.
U vyniku pa patrabavańni Centra ŭsie «kamiery» z prybiralniaŭ handlovaha centra byli demantavanyja.