Vybuchnuŭ i zahareŭsia Amurski hazachimičny kompleks na miažy z Kitajem za 6500 kiłamietraŭ ad Ukrainy
Jon rychtavaŭsia da ekspłuatacyi, mieŭ być zdadzieny ŭ 2027 hodzie. Budavali jaho ź inviestycyjami kitajskaj Sinopec.
Na placoŭcy budaŭnictva Amurskaha hazachimičnaha kompleksu ŭ Amurskaj vobłaści Rasii paśla vybuchu pačaŭsia pažar na ŭstanoŭcy pirolizu.
Abjekt znachodziŭsia ŭ režymie puskanaładačnych rabot. Na im mieli vyrablać etylen i prapilen.
Śpiecyjalisty terminova spyniajuć abstalavańnie, rabotnikaŭ evakuirujuć z terytoryi kompleksu. U pres-słužbie pradpryjemstva zapeŭnivajuć, što pahrozy dla žycharoŭ susiednich nasielenych punktaŭ niama.
Pavodle papiarednich danych rasijskich miedyja, u vyniku vybuchu paciarpieli prynamsi dva čałavieki. Dakładny maštab paškodžańniaŭ i pryčyny zdareńnia pakul vyśviatlajucca.
Amurski HCHK — adzin z najbujniejšych u śviecie prajektaŭ pa vytvorčaści palimieraŭ. Prajekt realizujecca rasijskim chołdynham «SIBUR» sumiesna z kitajskaj kampanijaj Sinopec.
Amurski hazachimičny kompleks znachodzicca na miažy z Kitajem za 6500 kiłamietraŭ ad Ukrainy.