U ZŠA padletki amal paŭhadziny pravisieli ŭniz hałavoj na pałamanym atrakcyjonie
Dźvie dziaŭčyny-padletki atrymali pa 275 tysiač dalaraŭ kampiensacyi paśla taho, jak padčas avaryi na atrakcyjonie ŭ amierykanskim Portlendzie kala 25 chvilin pravisieli ŭniz hałavoj, piša Bild.
Fota ilustracyjnaje
Incydent adbyŭsia 14 červienia 2024 hoda ŭ parku Oaks Amusement Park. Atrakcyjon AtmosFEAR niečakana spyniŭsia ŭ pierakulenym stanoviščy. U hety momant na im znachodzilisia 28 čałaviek.
Dziaŭčatam tady było 13 i 14 hadoŭ. U sudzie jany raskazali, što adčuvali ciažkaści z dychańniem i bajalisia, što fiksatary mohuć adkrycca i jany ŭpaduć prykładna z 30‑mietrovaj vyšyni. Adna z paciarpiełych taksama zhadvała, što bačyła ślozy na tvarach inšych pasažyraŭ atrakcyjona, a niekatorych ludziej pačało vanitavać.
Pavodle infarmacyi amierykanskich ŚMI, u supracoŭnikaŭ parku nie było hatovaha płana dziejańniaŭ na vypadak takoj avaryi. Spačatku im daviałosia telefanavać pa instrukcyi, a zatym čakać pryjezdu pažarnikaŭ i śpiecyjalnaha abstalavańnia.
Paśla zdareńnia dziaŭčyny skardzilisia na načnyja kašmary i prablemy sa snom. Dakładnuju pryčynu niaspraŭnaści atrakcyjona dahetul nie ŭstanavili. Adnak ciapier jaho abstalavali sistemaj, jakaja ŭ vypadku pałomki aŭtamatyčna viartaje kanstrukcyju ŭ zychodnaje stanovišča.
Čytajcie taksama:
U minskim parku imia Uha Čaviesa źjavicca adkrytaja ladovaja arena
U centry Bresta pastaviać hihanckija vahi ź niezvyčajnymi adzinkami vymiareńnia
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
Atrakcyjon «Vieža svabodnaha padzieńnia», jaki hučna čmychnuŭ padčas pracy, adpravili na ramont