Apaznańnie ciełaŭ alpinistaŭ, što zahinuli ŭ Kyrhyzstanie, pryznačana na čaćvier
Apaznańnie ciełaŭ dvuch biełaruskich alpinistaŭ, jakija zahinuli na piku Kurumdy ŭ Kyrhyzstanie, pryznačana na čaćvier, 27 žniŭnia. Cieły zahinułych užo dastavili ŭ horad Oš. Tudy taksama vylecieła žonka adnaho z zahinułych biełarusaŭ, paviedamlaje Sputnik.
Fota: pres-słužba MNS Kyrhyzstana
Suviaź z hrupaj alpinistaŭ, u jakuju ŭvachodzili 43‑hadovy Maksim Palanski, 60‑hadovy Mikałaj Śvirydaŭ i 37‑hadovy hramadzianin Litvy Siarhiej Rubcoŭ, źnikła 4 žniŭnia paśla ŭzychodžańnia na pik Kurumdy vyšynioj 6612,5 mietra.
Pa słovach kiraŭnika Biełaruskaj fiederacyi alpinizmu i skałałažańnia Alaksandra Hadleŭskaha, ciapier jašče treba vyśvietlić usie abstaviny trahiedyi.
Uzychodžańnie na Kurumdy ličycca nadzvyčaj składanym i patrabuje vysokaj fizičnaj i techničnaj padrychtoŭki. Upieršyniu viaršyniu skaryli tolki ŭ 2001 hodzie paśla niekalkich niaŭdałych sprob.
Čytajcie taksama:
Pačali spusk ciełaŭ dvuch alpinistaŭ, jakija zahinuli ŭ Kyrhyzstanie
«Išli ŭ adnoj źviazcy». Što adbyłosia ź biełarusami ŭ harach Kyrhyzstana