ZŠA prypynili razhlad zajaŭ na imihracyjnyja vizy va ŭsim śviecie
Ludziam, jakija ŭžo zapisalisia na sumoŭi ŭ pasolstvach i konsulstvach, pačali dasyłać paviedamleńni ab pieranosie sustreč.
Fota: Pamela Smith / AP
Administracyja prezidenta ZŠA Donalda Trampa prypyniła razhlad zajaŭ na imihracyjnyja vizy va ŭsim śviecie, paviedamlaje Financial Times.
Dziarždepartamient ZŠA patłumačyŭ paŭzu nieabchodnaściu pravieści «pahłyblenaje navučańnie» konsulskich supracoŭnikaŭ. Ich pavinny navučyć vyjaŭlać zajaŭnikaŭ, jakija, na dumku amierykanskich uładaŭ, mohuć stać zaležnymi ad dziaržaŭnych dapamoh.
Ludziam, jakija ŭžo zapisalisia na sumoŭi ŭ pasolstvach i konsulstvach ZŠA, pačali dasyłać paviedamleńni ab pieranosie sustreč. Novyja daty im abiacali paviedamić paźniej. Kali razhlad zajaŭ adnovicca, Dziarždepartamient nie ŭdakładniŭ.