Zialenski ŭznaharodziŭ Iłana Maska ordenam Svabody
Prezident Ukrainy Uładzimir Zialenski padpisaŭ ukaz ab uznaharodžańni zasnavalnika SpaceX i Tesla Iłana Maska ordenam Svabody. Dakumient byŭ apublikavany 26 žniŭnia.
Iłan Mask. Fota: AP Photo / Michel Euler
U tekście ŭkaza adznačajecca, što biznesoviec atrymaŭ pryznańnie za «vybitnyja asabistyja zasłuhi ŭ abaronie žyćcia ludziej i svabody, a taksama raźvićcio adnosin pamiž narodami Ukrainy i Złučanych Štataŭ».
Starlink ad kampanii Maska zastajecca adnym z klučavych technałahičnych Ukrainy ŭ vajnie z Rasijaj — jon zabiaśpiečvaje jak suviaź dla vajskoŭcaŭ, tak i kiravańnie bieśpiłotnikami ŭ realnym časie dla ŭdaraŭ pa rasijskich tyłach.