Nad Žłobinam učora zafiksavali pralot BPŁA i źniščalnika

Uviečary 25 žniŭnia žychary Žłobina pačuli niezvyčajna hučny huk i vykazali zdahadku, što nad horadam pralataŭ reaktyŭny bieśpiłotnik. Paviedamleńni pra heta źjavilisia ŭ sacyjalnych sietkach, zaŭvažyła vydańnie «Fłahštok».

Biełaruski samalot Su-30. Fota ilustracyjnaje

Prykładna kala 17:00 žychary roznych častak Žłobina — u rajonie Lebiadzioŭki, 16‑m mikrarajonie, pasiołku Rabočym i mikrarajonie Zachodnim — paviedamlali pra huł, padobny da huku bieśpiłotnika. Sam aparat, pavodle ich słoŭ, razhledzieć nie ŭdałosia praź nizkuju vobłačnaść.

Niekatoryja haradžanie taksama paviedamili, što ŭ toj ža viečar bačyli nizka pralatajučy źniščalnik. Jaho zaŭvažyli nad cechami Biełaruskaha mietałurhičnaha zavoda i ŭ centry Žłobina. Pavodle adnaho z paviedamleńniaŭ, prykładna ŭ hety ž čas źniščalnik kružyŭ i nad Śvietłahorskam.

Kala 17:00 ukrainskija manitorynhavyja kanały taksama paviedamlali pra aktyŭnaść vajskovaj avijacyi va ŭschodniaj častcy Biełarusi. Paviedamlałasia, što ŭ pavietra padnialisia try źniščalniki Su-30.

Ruch rasijskich BPŁA ŭzdoŭž biełaruska-ŭkrainskaj miažy kala 14:40 25 žniŭnia. Schiema: jeRadar

Tym časam jašče z ranicy 25 žniŭnia nad Čarnihaŭskaj vobłaściu Ukrainy fiksavali hrupy rasijskich reaktyŭnych bieśpiłotnikaŭ. Kala 14:40 adrazu šeść hrup ruchalisia pa ŭžo viadomaj trajektoryi ŭzdoŭž biełaruska-ŭkrainskaj miažy z uschodu na zachad.

Kamientary da artykuła