Fota palitźniavolenaj vykarystoŭvajuć u dadatku dla znajomstvaŭ
U dadatku dla znajomstvaŭ Globi vydańnie «Miedyjazona» znajšło profil, u jakim jaŭna biez dazvołu vykarystanaja fatahrafija biełaruskaj palitźniavolenaj Jany Pinčuk.
Palitźniavolenaja Jana Pinčuk
U ankiecie, da jakoj prykładziena fota Pinčuk, paznačana inšaje imia — Nastaśsia. Śćviardžajecca, što dziaŭčynie 23 hady, jana žyvie ŭ Varšavie i pracuje doktaram.
Skrynšot: «Miedyjazona»
Sapraŭdnaj Janie Pinčuk 29 hadoŭ. Jana znachodzicca ŭ kałonii i maje status palitźniavolenaj.
6 červienia 2023 hoda jaje asudzili na 12 hadoŭ pazbaŭleńnia voli va ŭmovach ahulnaha režymu. Janu Pinčuk abvinavacili, u pryvatnaści, va ŭdziele ŭ «ekstremisckim farmavańni», dziejańniach suprać nacyjanalnaj biaśpieki, raspalvańni varožaści, udziele ŭ masavych biesparadkach, a taksama stvareńni abo ŭdziele ŭ «terarystyčnaj arhanizacyi».
Pavodle viersii śledstva, jana kiravała tryma telehram-kanałami, jakija biełaruskija ŭłady pryznali «ekstremisckimi»: «Viciebsk 97%», «Orša 97%» i «Navapołack i Połack 97%».
Biełarusku zatrymali ŭ Rasii ŭ 2021 hodzie, paśla čaho ekstradavali ŭ Biełaruś.
Čytajcie taksama:
Biełarusku Janu Pinčuk ekstradujuć z Rasii. Tut jaje abvinavačvajuć pa piaci artykułach