U Pieciarburhu ŭzarvali aŭtamabil vajskovaha lotčyka. Jon zahinuŭ
U Sankt-Pieciarburhu na Kołpinskaj šašy ŭzarvaŭsia aŭtamabil, u jakim znachodziŭsia padpałkoŭnik i jaho žonka. Mužčyna zahinuŭ na miescy, žančyna — u reanimacyi.
Kala 10‑j ranicy 27 žniŭnia pad Sankt-Pieciarburham na Kołpinskaj šašy ŭzarvaŭsia lehkavy aŭtamabil. Pavodle papiaredniaj infarmacyi, u mašynie spracavała samarobnaje vybuchovaje prystasavańnie ŭ momant, kali jana pačynała adjazdžać ad doma.
U sałonie znachodziŭsia rasijski vajskovy lotčyk u ranhu padpałkoŭnika i jaho žonka.
U vyniku mahutnaha vybuchu vajskoviec zahinuŭ na miescy — jak piša «Fontanka», jamu adarvała nohi. Jaho žonka ź ciažkimi traŭmami była terminova špitalizavana. Vybuchovaj chvalaj taksama paškodziła pryparkavanyja pobač aŭtamabili.
Imia zahinułaha lotčyka pakul nie viadoma. Paviedamlajecca, što jamu było 53 hady.