Stan zdaroŭja 89‑hadovaha karala Narviehii rezka pahoršyŭsia, usia karaleŭskaja siamja sabrałasia ŭ špitali
Stan zdaroŭja najstarejšaha kiraŭnika dziaržavy ŭ Jeŭropie, karala Narviehii Charalda, značna pahoršyŭsia padčas znachodžańnia ŭ balnicy. Karaleŭski pałac aficyjna aceńvaje jaho stan jak «vielmi ciažki».
Karol Narviehii Charald V i jaho žonka Sonia. Fota: AP Photo / Francisco Seco
U suviazi z hetym kronprync Chokan i karaleva Sonia admianili ŭsie zapłanavanyja mierapryjemstvy, a ŭsia karaleŭskaja siamja ŭžo prybyła ŭ špital.
Charald byŭ špitalizavany 17 žniŭnia z-za bakteryjalnaj infiekcyi ŭ kryvi. Tryvožnyja paviedamleńni pra paharšeńnie jaho stanu pastupali i raniej — 24 žniŭnia.
89‑hadovy karol, jaki zajmaje prastoł z 1991 hoda, u apošnija hady rehularna sutykaŭsia z prablemami sa zdaroŭjem, jamu pastavili kardyjostymulatar.
Niahledziačy na heta, jon paśladoŭna admaŭlaŭsia adračysia ad prastoła, zajaŭlajučy, što daŭ pažyćciovuju prysiahu pierad parłamientam.