Ratavalnika z rasijskaha Salecharda stali abražać u čacie. Jon napisaŭ «Słava Ukrainie! Žyvie Biełaruś!» — i vyjšaŭ
Uładzisłava Kachniuka znajšli i pakarali.
Uładzisłaŭ Kachniuk. Fota: Vk.com
U sudzie rasijskaha Salecharda (Jamała-Nienieckaja aŭtanomnaja akruha) miascovaha žychara pryznali vinavatym u «publičnaj demanstracyi simvoliki ekstremisckaj arhanizacyi» i aštrafavali prykładna na $78.
40‑hadovy Uładzisłaŭ Kachniuk patłumačyŭ, što vypadkova trapiŭ u niejki telehram-čat praz rekłamnuju rassyłku. A kali inšyja ŭdzielniki pačali jaho abražać, napisaŭ frazu «Słava Ukrainie! Žyvie Biełaruś!» i adrazu vyjšaŭ z čata.
Ale sud paličyŭ, što heta fraza — łozunh Ukrainskaj paŭstanckaj armii, jakaja była pryznanaja «ekstremisckaj» jašče ŭ 2014 hodzie.
Uładzisłaŭ Kachniuk pradekłaravaŭ, što raskajaŭsia, tamu atrymaŭ minimalna mahčymy štraf.
Kachniuk pracuje ŭ Avaryjna-ratavalnaj słužbie Jamała-Nienieckaha aŭtanomnaj akruhi. Miarkujučy pa sacsietkach, jaho baćka rodam ź Pinska.