Svajaki apaznali cieły zahinułych u Kyrhyzstanie alpinistaŭ
Svajaki apaznali cieły dvuch alpinistaŭ, jakija zahinuli padčas uzychodžańnia na pik Kurumdy ŭ Kyrhyzstanie. Cieły spuścili z hor i dastavili ŭ morh horada Oš, piša Sputnik.
Fota Alaksandra Śmirnova
Adzin z zahinułych — 43‑hadovy hramadzianin Biełarusi Maksim Palanski, druhi — 37‑hadovy hramadzianin Litvy Siarhiej Rubcoŭ. Paśla apaznańnia ich cieły płanujuć adpravić na radzimu.
Cieła treciaha ŭdzielnika hrupy — 60‑hadovaha biełarusa Mikałaja Śvirydava — pakul zastajecca ŭ harach. Jaho pošuki prypynili, pakolki dalejšaja vyratavalnaja apieracyja stała zanadta niebiaśpiečnaj dla samich ratavalnikaŭ.
Hrupa, u jakuju ŭvachodzili dva biełarusy i litoŭski alpinist, pierastała vychodzić na suviaź 4 žniŭnia paśla ŭzychodžańnia na pik Kurumdy vyšynioj 6612,5 mietra.
Uzychodžańnie na hetuju viaršyniu adnosicca da najvyšejšaj katehoryi składanaści i patrabuje ad alpinistaŭ surjoznaj fizičnaj i techničnaj padrychtoŭki. Upieršyniu Kurumdy skaryli tolki ŭ 2001 hodzie paśla niekalkich niaŭdałych sprobaŭ.
Čytajcie taksama:
Pačali spusk ciełaŭ dvuch alpinistaŭ, jakija zahinuli ŭ Kyrhyzstanie
«Išli ŭ adnoj źviazcy». Što adbyłosia ź biełarusami ŭ harach Kyrhyzstana