Pajšli čutki pra niedachop u Minsku donarskaj kryvi. Miedyki prakamientavali

U sacsietkach źjaviłasia infarmacyja pra nibyta niedachop donarskaj kryvi ŭ Minskim navukova-praktyčnym centry chirurhii, transpłantałohii i hiematałohii. Aŭtarka publikacyi raźmiaściła fota pamiatki dla donaraŭ i zaklikała achvotnych zdać kroŭ źviarnucca ŭ hetu miedycynskuju ŭstanovu.

Zdymak ilustracyjny. Fota: magnific.com

U samim centry, adnak, zajavili, što terminovaj nieabchodnaści ŭ dadatkovych donarach u ich niama. Pa słovach zahadčycy centra transfuzijałohii Volhi Levandoŭskaj, miedustanova maje nieabchodny nieźnižalny zapas kampanientaŭ kryvi, a situacyja z donarskaj kryvioj zastajecca stabilnaj i kantralavanaj.

Miedyki patłumačyli, što pamiatku dla donaraŭ rehularna vydajuć svajakam pacyjentaŭ. Jana maje vyklučna infarmacyjny charaktar i nie aznačaje, što ŭ centry ŭźnik niedachop kryvi.

Rašeńnie pra toje, ci zdavać kroŭ, kožny čałaviek prymaje samastojna.

Kamientary da artykuła