U Minsku na sutki pierakryjuć častku praśpiekta Niezaležnaści

U Minsku ź viečara 27 žniŭnia da viečara 28 žniŭnia časova zakryjuć ruch pa ŭčastku praśpiekta Niezaležnaści ad vulicy Janki Kupały da vulicy Kazłova. Pryčyna — asfaltavańnie darohi.

Zdymak ilustracyjny. Fota: AP Photo / Pavel Bednyakov

Abmiežavańnie budzie dziejničać z 20:00 27 žniŭnia da 19:00 28 žniŭnia.

Hramadski transpart na hety čas pojdzie ŭ abjezd:

• aŭtobus №100, tralejbus №22 i maršrutki №1064, 1076, 1119, 1151, 1152, 1547 — pa vulicach Kazłova, Źmitraka Biaduli, Pieršamajskaj i Janki Kupały, z prypynkami na źmienienym učastku;
• aŭtobus №115E — pa tym ža maršrucie, ale biez prypynkaŭ na ŭčastku abjezdu;
• aŭtobusy №300E i maršrutka №1400 u bok aeraporta — pa vulicach Uljanaŭskaj, Pieršamajskaj, Źmitraka Biaduli i Kazłova;
• u zvarotnym kirunku hetyja maršruty pajeduć pa vulicach Kazłova, Źmitraka Biaduli, Pieršamajskaj, Uljanaŭskaj, Śviardłova i dalej pa praśpiekcie Niezaležnaści.

Pasažyram rajać uličvać časovaje źmianieńnie maršrutaŭ pry płanavańni pajezdak.

Kamientary da artykuła