12‑hadovaja dziaŭčynka ŭ Rasii naradziła dzicia
Heta adbyłosia ŭ Rastovie, ale rasśledavańniem zajmajucca ŭłady akupavanaj Rasijaj častki Zaparožskaj vobłaści Ukrainy.
Ilustracyjnaje fota
U rasijskim Rastovie 12‑hadovaja dziaŭčynka naradziła dzicia. Pra heta paviedamlaje 161.ru sa spasyłkaj na haradski pierynatalny centr. Rody adbylisia ŭ žniŭni.
«Infarmacyja pra hetuju pacyjentku była pieradadziena ŭ pravaachoŭnyja orhany, rasśledavańnie pravodzicca ŭ Zaparožskaj vobłaści», — adznačyŭ hałoŭny doktar pierynatalnaha centra Maksim Umanski.
Pavodle jaho słoŭ, orhany apieki pieradaduć novanarodžanaha ŭ bijałahičnuju siamju, dzie jon i budzie vychoŭvacca. Pra toje, pra jakich mienavita svajakoŭ idzie havorka, nie ŭdakładniajecca.
Taksama nieviadoma, chto źjaŭlajecca baćkam dziciaci, jak dziaŭčynka zaciažaryła i ŭ jakim jana stanie paśla rodaŭ.