Pačobut: U vieraśni ja viarnusia ŭ Biełaruś, kab pašyrać tam prastoru dla svabody vykazvańnia
Žurnalist zajaviŭ, što vierniecca ŭ Hrodna, 13 vieraśnia tam adbudziecca zjezd palakaŭ u Biełarusi.
Fota: Lookby.Media
Eks-palitviazień byŭ śpiecyjalnym hościem na kanfierencyi «Polšča budučyni». Jon znoŭ zajaviŭ, što vierniecca ŭ Biełaruś u vieraśni, paviedamlaje «Polskaje radyjo».
— Heta naturalna, što čałaviek choča viarnucca dadomu, — skazaŭ jon padčas sustrečy z moładździu. — Haradzienščyna, raka Nioman, horad Hrodna, Vialikaja Bierastavica, dzie ja naradziŭsia, — heta asablivyja miescy dla mianie i heta naturalna, što čałaviek choča viarnucca dadomu. Mnie zdajecca, što nikomu nie treba tłumačyć.
Andrej Pačobut padkreśliŭ, što ŭśviedamlaje nastupstvy, ź jakimi moža sutyknucca. Jon padkreśliŭ, što «maje namier pašyryć prastoru dla svabody vykazvańnia mierkavańniaŭ u Biełarusi», i dadaŭ, što jaho čakajuć palaki ŭ Biełarusi.
— Jość polskaja mienšaść i Sajuz palakaŭ u Biełarusi, ludzi čakajuć. Maje razmovy z aktyvistami Sajuzu palakaŭ vielmi časta pačynajucca albo kančajucca pytańniem: kali ty ŭžo pryjedzieš? Ja nie źmianiŭ płanaŭ i ŭ vieraśni viartajusia ŭ Hrodna.