U Iŭjeŭskim rajonie ŭ łabavym sutyknieńni adzin čałaviek zahinuŭ, troje paciarpieli
U Iŭjeŭskim rajonie 28 žniŭnia adbyłosia darožna-transpartnaje zdareńnie sa śmiarotnym vynikam, paviedamlaje UUS Hrodzienskaha abłvykankama.
Kala 13:00 pablizu vioski Siamionki 45‑hadovy kiroŭca aŭtamabila Voyah na zakruhleńni darohi vyjechaŭ na sustrečnuju pałasu i sutyknuŭsia z Nissan, za rulom jakoha byŭ 36‑hadovy mužčyna.
U vyniku avaryi 38‑hadovaja pasažyrka Nissan zahinuła na miescy. Jašče troje čałaviek paciarpieli: dvoje dziaciej 7 i 10 hadoŭ, jakija jechali ŭ Nissan, a taksama pasažyrka Voyah. Usich ich dastavili ŭ balnicu.
Jak vyśvietliłasia, u Nissan, dzie znachodzilisia dvoje dziaciej, było tolki adno dziciačaje kresła.