Pad Mahilovam 18‑hadovy pjany kiroŭca pierakuliŭ aŭtamabil ź piaćciu padletkami ŭnutry
Suprać 18‑hadovaha kiroŭcy, jaki staŭ vinavatym u DTZ ź ciažkimi nastupstvami, zaviali kryminalnuju spravu. Pra heta paviedamili ŭ Śledčym kamitecie.
Fota: Śledčy kamitet
Avaryja adbyłasia ranicaj 25 žniŭnia ŭ vioscy Huślanka Mahiloŭskaha rajona. Małady čałaviek, jaki mieŭ staž kiroŭcy ŭsiaho try miesiacy, jechaŭ na aŭtamabili Peugeot. Na zakruhleńni darohi jon pieravysiŭ chutkaść i źjechaŭ z prajeznaj častki, paśla čaho aŭtamabil pierakuliŭsia.
Akramia kiroŭcy, u sałonie znachodzilisia piaciora padletkaŭ. 16‑hadovaja dziaŭčyna, jakaja siadzieła na piarednim pasažyrskim miescy, atrymała ciažkija traŭmy i była dastaŭlenaja ŭ balnicu.
Miedycynskaje abśledavańnie pakazała, što ŭ kryvi kiroŭcy było bolš za 0,8 pramile ałkaholu.
Dziejańni maładoha čałavieka kvalifikavanyja pavodle častki 4 artykuła 317 Kryminalnaha kodeksa. Jamu vystaŭlena abvinavačańnie, a ŭ jakaści miery strymańnia pavodle sankcyi prakurora abranaje ŭtrymańnie pad vartaj.