U Babrujsku pjany piensijanier padabraŭ klučy i skraŭ rečy z kamiery zachoŭvańnia ŭ handlovym centry

U Babrujsku 73‑hadovy miascovy žychar paśla vypitaj butelki harełki zajšoŭ u kramu i źviarnuŭ uvahu na kamiery zachoŭvańnia. Mužčyna vyrašyŭ pravieryć, ci padyduć klučy ad adkrytych jačejek da zakrytych, i ŭ vyniku adzin z klučoŭ padyšoŭ.

Skrynšot ź videa

Unutry mužčyna znajšoŭ dva pakiety. U adnym byli kukuruza i kantejnier z durnicami, a ŭ druhim — novaje školnaje adzieńnie dla chłopčyka.

Piensijanier zabraŭ pakiety i vyjšaŭ na vulicu. Tam jon pierahledzieŭ zdabyču i vyrašyŭ pakinuć sabie tolki pradukty. Štany, kamizelku i abutak dla chłopčyka mužčyna prosta vykinuŭ.

Kali ŭładalnica rečaŭ pabačyła, što jaje jačejka pustaja, jana źviarnułasia ŭ milicyju. Piensijaniera chutka znajšli i zatrymali.

Ciapier jamu daviadziecca kampiensavać uładalnicy 180 rubloŭ škody, a taksama paŭstać pierad sudom pa abvinavačańni ŭ kradziažy.

Padobny vypadak niadaŭna ŭžo byŭ u Babrujsku: mužčyna pakinuŭ u kamiery zachoŭvańnia try błoki cyharet, a ich zabraŭ i vykuryŭ miascovy žychar. Pryčynaj taksama stali adnolkavyja klučy ad roznych jačejek.

Kamientary da artykuła