U Leninhradskaj vobłaści Rasii paśla ataki dronaŭ zahareŭsia adzin z najbujniejšych rasijskich NPZ
Unočy 30 žniŭnia bieśpiłotniki atakavali adnoje z najbujniejšych naftapierapracoŭčych pradpryjemstvaŭ Rasii — zavod «Kiryšynaftaorhsintez» u horadzie Kiryšy Leninhradskaj vobłaści.
Hubiernatar Leninhradskaj vobłaści Alaksandr Draździenka naŭprost nie paćvierdziŭ fakt atak na NPZ, ale zajaviŭ pra źbivańnie 42 BPŁA nad rehijonam i zaharańnie ŭ pramysłovaj zonie Kiryšaŭ.
«KINIEF» uvachodzić u strukturu kampanii «Surhutnaftahaz». Hety zavod źjaŭlajecca najbujniejšym u Leninhradskaj vobłaści i adnym z najbujniejšych u Rasii. Jon moža pierapracoŭvać kala 20 miljonaŭ ton nafty na hod. Letaś tam pierapracavali 17,5 miljona ton, što składaje prykładna 6,6% ad ahulnaha abjomu ŭ krainie. Pradpryjemstva ŭvachodzić u skład kampanii «Surhutnaftahaz».
Taksama paviedamlajecca pra traplańnie ŭ žyły dom u Kiryšach, na dachu jakoha byŭ abstalavany ahniavy punkt SPA.
Akramia Leninhradskaj vobłaści, pad udar patrapiŭ horad Jejsk (Krasnadarski kraj RF), dzie bieśpiłotniki, pavodle ŭkrainskich manitorynhavych kanałaŭ, atakavali vajskovy aeradrom i vajskovy haradok.