U Minsku adkłali pašyreńnie treciaj linii mietro da Zialonaha Łuha, pryjarytetam zrabili 4‑ju liniju
Płany dabudavać treciuju liniju minskaha mietro da mikrarajona Zialony Łuh zastajucca ŭ sile, adnak budaŭnictva novych stancyj u hetym kirunku časova adkładziena. Zaraz pryjarytetam dla horada stanie ŭźviadzieńnie pieršaha ŭčastka čaćviortaj linii. Pra heta ŭ efiry STB raspavioŭ pieršy namieśnik dyrektara i hałoŭny inžynier instytuta «Minskmietraprajekt» Hieorhij Pratasaŭ.
Pavodle jaho słoŭ, ad prajekta praciahu treciaj linii nie admaŭlajucca. U budučyni stancyja «Łahojskaja» musić stać važnym transpartna-pierasadačnym vuzłom dla pasažyraŭ z Łahojska ŭ miežach intehracyi haradoŭ-spadarožnikaŭ u transpartnuju sistemu stalicy.
Adnak pakul horad addaŭ pieravahu 4‑j linii, pryčym pieršapačatkovyja płany pa jaje budaŭnictvie taksama skarektavali.
Pieršy ŭčastak čaćviortaj linii pačnuć prajektavać i budavać ad stancyi «Płošča Banhałor» u zachodnim kirunku — u bok vulicy Charkaŭskaj, a nie ŭ centr da «Akademii navuk», jak płanavałasia raniej.
Pavodle Pratasava, daśledavańni pakazali, što mienavita kirunak u bok vulicy Charkaŭskaj zaraz źjaŭlajecca najbolš zapatrabavanym dla staličnaj transpartnaj infrastruktury.