Voś jak vyhladali dzieci na liniejcy ŭ toj samaj baranavickaj škole — «astraŭku Paŭnočnaj Karei» FOTY
Napiaredadni 1 vieraśnia baranavickaja škoła №1 imia Siarhieja Hrycaŭca narabiła šumu surovymi patrabavańniami da vyhladu vučniaŭ: nijakich jarkich pryčosak, makijažu, manikiuru i kidkich aksiesuaraŭ. Jak vyhladali dzieci tam siońnia, pakazała rajonka «Naš kraj».
Za niekalki dzion da pačatku navučalnaha hoda siaredniaja škoła №1 imia Siarhieja Hrycaŭca apublikavała asobnyja praviły źniešniaha vyhladu dla chłopcaŭ i dziaŭčat. Chłopcam zabaranili doŭhija vałasy, jarkija pryčoski, vystryhańnie ŭzoraŭ na hałavie i navat srodki dla ŭkładki, jakija robiać vyhlad «zanadta zaŭvažnym». Dziaŭčat abaviazali źbirać doŭhija vałasy ŭ chvost abo kasu, admovicca ad makijažu, jarkaha manikiuru, bujnych zavušnic i inšych kidkich aksiesuaraŭ.
Hetyja patrabavańni vyklikali chvalu abureńnia. Biełarusy paraŭnoŭvali škołu z «astraŭkom Paŭnočnaj Karei» i pisali, što dziaciej sprabujuć zahnać u šabłony.
Adnak na fotazdymkach i na videa ź liniejki bačna, što dzieci ŭsio ž vyhladali pa-roznamu. Chtości — davoli stroha, chtości — bolš śviatočna.
Zatoje sama ŭračystaść atrymałasia mocna nasyčanaj ideałohijaj — z prakuroram, deputatam, vajskovym arkiestram i čyrvona-zialonymi kolerami.