Hamialčuk zakruciŭ u słoiki skradzienyja hrošy i zakapaŭ ich
46‑hadovy mužčyna nočču prabraŭsia na terytoryju pradpryjemstva, ź jakoha jaho raniej zvolnili i skraŭ adtul bolš za 90 tysiač rubloŭ.
Pradstaŭnik adnoj z homielskich arhanizacyj zajaviŭ u milicyju pra źniknieńnie z ofisa bujnoj sumy. Pa padazreńni ŭ kradziažy zatrymali 46‑hadovaha žychara Homiela.
Pavodle siłavikoŭ, nočču mužčyna pranik na achoŭnuju terytoryju pradpryjemstva, dzie raniej pracavaŭ. U kabiniecie kiraŭnika jon znajšoŭ klučy ad siejfa i zabraŭ adtul bolš za 90 tysiač rubloŭ.
Častku hrošaj mužčyna zakruciŭ u šklanyja słoiki. Adny zakapaŭ u siabie, inšyja — na leciščy sužycielki. Častku hrošaj patraciŭ.
Bolšuju častku skradzienaj sumy znajšli i kanfiskavali. Suprać hamielčuka raspačali kryminalnuju spravu za kradziež u asabliva bujnym pamiery. Jamu pahražaje da 12 hadoŭ pazbaŭleńnia voli.