Biełaruskich łyžnikaŭ i snoŭbardystaŭ dapuścili da mižnarodnych spabornictvaŭ, ale tolki ŭ niejtralnym statusie
Mižnarodnaja fiederacyja łyžnaha sportu i snoŭborda (FIS) vyznačyła praviły ŭdziełu biełaruskich i rasijskich spartsmienaŭ u mižnarodnych spabornictvach u siezonie 2026/27.
Zdymak ilustracyjny. Fota: magnific.com
Biełaruskija i rasijskija łyžniki, snoŭbardysty, a taksama ich absłuhovy piersanał zmohuć vystupać u indyvidualnych spabornictvach u niejtralnym statusie. Dla hetaha jany pavinny padpisać dekłaracyju ab niejtralitecie i vykonvać ustanoŭlenyja FIS patrabavańni. Za parušeńni praduhledžanyja sankcyi.
Na spabornictvach nielha budzie vykarystoŭvać dziaržaŭnuju simvoliku — ściahi, himny i formu z adpaviednaj atrybutykaj. Taksama ŭdzielniki pavinny vykonvać usie antydopinhavyja praviły.
Rašeńnie raspaŭsiudžvajecca na hornyja łyžy, łyžnyja honki, skački z tramplina, łyžnaje dvajaborje, frystajł i snoŭbord.
Paśla pačatku vajny ŭ 2022 hodzie MAK rekamiendavaŭ nie dapuskać biełaruskich i rasijskich spartsmienaŭ da mižnarodnych spabornictvaŭ, što pryviało da amal poŭnaj izalacyi sportu dźviuch krain. U 2023 hodzie MAK prapanavaŭ dazvalać udzieł asobnym spartsmienam pry vykanańni peŭnych umoŭ, a ŭ mai 2026 hoda ŭžo zajaviŭ, što bolš nie rekamienduje abmiežavańni dla biełaruskich spartsmienaŭ, u tym liku kamandaŭ.
Paśla hetaha šerah mižnarodnych spartyŭnych fiederacyj pačaŭ viartać biełaruskich spartsmienaŭ da spabornictvaŭ na roŭnych umovach z pradstaŭnikami inšych krain.
Čytajcie taksama:
Mižnarodnaja fiederacyja kanoe źnimie ŭsie abmiežavańni ź biełarusaŭ
Mižnarodnaja fiederacyja chakieja na travie źniała abmiežavańni ź biełaruskich kamand