Va Ukrainu ŭpieršyniu z asobnym vizitam prylacieŭ kiraŭnik MZS Indyi
Ministr zamiežnych spraŭ Indyi Subramańjam Džajšankar 3 vieraśnia naviedaŭ Kijeŭ. Heta pieršy ŭ historyi dvuchbakovych adnosin asobny vizit kiraŭnika indyjskaha MZS va Ukrainu, paviedamiła pres-słužba Ministerstva zamiežnych spraŭ Ukrainy.
Subramańjam Džajšankar i Andrej Sibiha. Fota: MZS Ukrainy
Padčas sustrečy ŭkrainski ministr zamiežnych spraŭ Andrej Sibiha raskazaŭ indyjskamu kalehu pra sistematyčnyja rasijskija ataki na Ukrainu. Asobna jon źviarnuŭ uvahu na ŭdary pa cyvilnych sudnach, partach i partovaj infrastruktury. Siarod paciarpiełych ad rasijskich atak byli i indyjskija maraki.
Sibiha padkreśliŭ, što błakavańnie važnych šlachoŭ pastavak ukrainskaha charčavańnia stvaraje pahrozu hoładu i humanitarnaha kryzisu dla miljonaŭ ludziej u roznych krainach.
Asobnaj temaj pieramoŭ staŭ mirny praces i mahčymaść bolš aktyŭnaha ŭdziełu Indyi ŭ mižnarodnych namahańniach pa spynieńni vajny Rasii suprać Ukrainy.
Sibiha zajaviŭ, što Ukraina hatovaja skončyć vajnu i maje realistyčnyja prapanovy dla hetaha. Pavodle jaho, ciapier nieabchodna pierachodzić ad vajny da dypłamatyi. Jon taksama nahadaŭ pra niadaŭniuju zajavu premjer-ministra Indyi Narendry Modzi, jaki zaklikaŭ pakłaści kaniec praciahłaj vajnie.
Čytajcie taksama:
Premjer Indyi zaklikaŭ Pucina pracavać nad spynieńniem vajny
Stralba pamiž HUR i SBU. Chto staŭ pryčynaj kanfliktu?
Pad Enhielsam rasstralali hienierała rasijskaj stratehičnaj avijacyi
Pucin rezka źmianiŭ rytoryku: Damovicca pamiž saboj pavinny mienavita Rasija i Ukraina